هدم ميدان التحرير !!

[SiLver Spectra]

هل سيأتي اليوم مستقبلا لتقوم فيه السلطات بهدم ميدان التحرير و تعميره!
كما فعلت السلطات البحرينية في مارس من العام الماضي عندما أقدمت على هدم (دوار اللؤلؤة) معقل الاحتجاجات في البحرين !!

صور لدوار اللؤلؤة أو كما يسمى رسميا دوار مجلس التعاون



الدوار اثناء الاحتجاجات , حيث حاولت السلطات أكثر من مره تفرقتها و لكن المحتجين كانوا يعودون اليه من جديد



فقررت السلطات هدمه و التخلص منه



اعادة بناءه على شكل شوارع للتخلص من المساحات الخضراء التي كان يتجمع بها المتظاهرين




فيديو لعملية الهدم
و يظهر فيه تحطم احدى البلدوزرات نتيجة سقوط أجزاء من النصب التذكاري عليه و يقال أن سائقها مات



===========

مش بعيد نلاقي صنية ميدان التحرير بيبنوا فيها فندق مستقبلا

[واد حبيب]

طيب البحرين صغير ومش كبيره علشان الناس تلاقي مكان تاني تعمل اعتصام فيه
امال مصر كلها ميادين هيعملو في اي مكان
وكمان ميدان التحرير دلوقتي من اهم معالم الدوله
كل اللي بيجي من اي دوله خارجيه عوز يشوف ميدان التحرير
معتقدش ان ممكن يجي يوم ومدان التحرير يتعمل صنيه يا طارق
تسلم علي موضوعك الجميل
الحبيب

[SiLver Spectra]

اقتباس المشاركة الأصلية كتبت بواسطة واد حبيب طيب البحرين صغير ومش كبيره علشان الناس تلاقي مكان تاني تعمل اعتصام فيه امال مصر كلها ميادين هيعملو في اي مكان وكمان ميدان التحرير دلوقتي من اهم معالم الدوله كل اللي بيجي من اي دوله خارجيه عوز يشوف ميدان التحرير معتقدش ان ممكن يجي يوم ومدان التحرير يتعمل صنيه يا طارق تسلم علي موضوعك الجميل الحبيب

ماهو صنية دلوقتي امال هو ايه
يلا معلش القاعدة في الكويت نستك الصنية ,,دوار يا سيدي

مصر كلها ميادين ,,بس التحرير هو رمز التظاهر و الاحتجاج
ما تبصش للايام دي
مستقبلا لما رئيس منتخب يجي و تطلع مطالب و احتجاجات تانية ,هيقولك مش هنخلص بقى , فيقرروا تطويره (هدمه أو تغييره)

عارف ممكن يخلوه حمام سباحة بنافورة كبيرة
الي عايز يتظاهر يجيب معاه مايوه

[۩۩ elMagic ۩۩]

مش بعيد
بس السؤال هنا
هل المكان هو العامل الاساسى لقيام مظاهره ؟
يعنى هدم دوار اللؤلؤه متهيألى مش سبب رئيسى
يمنع المتظاهرين من التجمع والمطالبة بحقوقهم
ممكن يكونوا خافوا على نفسهم فا قرروا يفضوا المظاهرات
يعنى دلوقت تم هدم دوار اللؤلؤه اكيد فيه مكان غيره يصلح لتجمع المتظاهرين
بالمثل عندنا فى مصر
ودى واحترامى

[doiss]

ههههههههه
عموماً لم يتبق احد ممن قاموا بالثورة لم يتم تشويهه .
واتحدى اي حد يضع اسم احد دعى للثورة لم يشوه اسمة !
طبعاً العمليه ممنهجة وبيساهم فيها الجهلاء عن غير عمد . وبعد ما كان الاخوان فزاعة امريكا اصبحت امريكا فزاعة الشعب ههههههه
عموماً على قد ما الميدان رمز الا ان الميدان معملش الثورة . الثورة هي اللي عملت الميدان وممكن تعمل اي مكان ميدان التحرير ,
وبعد العمليه الممنهجه لتشويه الميدان والثوار . افتكر ان هدمه نفسياً اشد من هدمه فعلياً . مفتكرش ناس كتير مؤمنه بالثورة لأن مش منطقي ان تكون مؤمن بشيء غير موجود ودة اللي بيتم الان تشويه كل رموزها ومن دعوا اليها ! فكيف نسمع عن مؤيدي الثورة !
الاكثر غرابة ان يُحمل الاغبياء هدم مصر للحركات الثورية .. ويتجاهلوا من قام بفسادها وهدمها فعلياً على مدار ثلاثون عاماً وسلمها للمجلس ليكمل عليها !
ع العموم الميدان مش ارض وصورة . الميدان جوة كل ثائر حق . حلم كبيييير صعب يتهدم ويتجرف . واللي بيفكر يقضي ع الحلم يمنع النساء من الانجاب . خلاص مفيش رجوع للخلف .
تسلم الايادي يا طارق ..