حكايه ثورة اذهلت العالم .. الجزء الاول

[noose]

هى االثورة اتولدت ازى

هى جات كده فى يوم وليله؟

الثورة الى كانت ماليه القلوب

زى بركان خامد بيغلى بهدوء

لا لا .. بيغلى بخوف

ظلم وفساد وغلاء معيشه وبطالة وعنوسة وقال ايه كمان استعداد للتوريث

بداء البركان غليانه يعلا وتتصاعد منه السنه اللهب وقدرنا نسمع صوت الغليان

لما حصل كده!!



وتحول خالد من الشخص اللى قدمنا ده الى ..



وشباب مصر واسكندريه بالتحديد قالو..

كلنا خالد سعيد



وابتدت الوقفات الصامته لعدة جمع على روح خالد

احتجاج بطريقه حضاريه وسلميه فى كل انحاء الجمهوريه

ومظاهرات عقب صلاة الجمعه من جامع القائد ابراهيم

وعند بيت خالد















وكانت بتفشل بسبب القمع والقبض على الشباب اللى جاى ماسك علم ومصحف وانجيل







وقتها اهداء شباب لروح خالد اغنيه الهبت مشاعرنا وعلت حس الوطنيه جوانا

بجد بقيت برددها ليل ونهارعلشان مديش فرصه لنفسى اخاف

وكانت بتقول

لازم يبقلنا صوت والعالم يسمعه كفايه خوف وسكوت والحق نرجعه


وظهر فديو تانى قوى

انا ضد الحكومة ضد البلطجة والظلم

وبداءت محاكمه المذنبين البطيئه

والكل بيتعجب من الكلام الظالم اللى طلع على خالد لمجرد تبرير قتله بالوحشيه دى

ومرت الايام ببطء شديد والعداله تشبه السلحفاة

الاسكندريه وما اصعب حملها

تفجر بيها كنيسه ليله راس السنه

واتشحت الاسكندريه بالحزن والسواد

لا تنسى ابدا ضحايها ورائحه الدم

ما بين الجامع والكنيسه

وتوزع الاتهامات من الداخليه

ويتم القبض على سيد بلال

وتعذيبه وقتله خلال ساعات قليله




بس هنعمل ايه

شعب مغلوب على امره

ممنوع من الغنا ممنوع من التعبير

ممنوع من الحريه ممنوع من التغير

رحله اولها خطوة

صرخة اخرها ثورة

ثورة معنها وحدة

وبدايه الغيث قطرة

وبداء الخوف يتلاش من قلوبنا والخوف لاول مرم بيسبنا

والفيس بوك بقى هو المكان اللى بنقدر ننطق فيها ونحاول

نحق عليه الوحدة مابينا

الاتحاد قوة وكنا لازم نفهم كده من زمان

شعر احمد فؤاد نجم

دايما بيأثر فينا


لكن كأنك مافيش كان ليها سحر

فى غليان البركان اكتر واكتر


والفيس ولع نار

الشباب بينشر بشكل رهيب الفديوهات ودعاوى صفحة خالد سعيد
و6 ابريل وبعد صلاة الجمعه يوزعوا الدعوة ليوم 25 ويتكلموا مع الناس

بقى ليهم دور تانى غير اللى كل الناس كانوا يعرفوا عن شبابنا

وبداء الشباب تجمع نفسها ويشجعوا بعض

الى ان جاء يوم 25 يناير وامتلاءت الشوارع من الفجر بعربات الامن المركزى استعداد لليوم الموعود
واستعد الشباب بالورود لتهنئه ظباط الشرطة بعيدهم
*************

تحياتى لشعب تونس العظيم بس اقسم بالله العظيم

انا واثقه ان ثورتنا كانت جايه سواء قبل تونس او بعدها

البركان مكنش خلاص مستحمل انه يأجل ثورته


ياريت كلنا نقراء الفاتحة على روح خالد

ونقوله ربنا اخد بتارك وبتار كل مظلوم مات من التعذيب

وبتار كل شهيد

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

انتظرونى فى الجزء التانى من حكايه ثورة

نوسى

[ماتركس]

عوووده قوويه يا نووسي

بجد مووضع تحفه يا نووسي والله وبالذات اليوتيوب والصور

بجد انا هتابع معاكي عالطووال علشان اشوف باقي الاحداث اللي متبعتهاش

وهاتي كل حاجه من البدايه يا نووسي من اول الثوره خلينا نعرف ايه اللي كان بيحصل

اصلا احنا متغربين وفي حجات منعرفهااش

وتستاهلي اجمل خمس نجووم يا نووسي يا استاذتنا

بالتوفيق ليكي ومجهود عالي جدااااا

[نانـــــو]

كلامك مؤثر ولكنه واقع
ولم توجد محافظة الا وبها العديد من الضحايا
ربنا يرحمهم جميعا ويجعل مثواهم الجنة
بالتوفيق ليكى واكيد هتابع معاكى ان شاء الله

[SiLver Spectra]

حلو العرض يا نوسي
و الحمد لله ان الجيش عندنا ما ضربش رصاصة واحده على متظاهر
زي ما حصل في سوريا و ليبيا و اليمن
في انتظار الجزء التاني ,,

[دنيــــــــــــأأ]

تحيا مصر
ولا للظالم والخونه
بجد مجهودك عاااااااالي
والتوبيك عجبني ومتابعه معاكي بازن الله
وربنا يرحم شهداء الثوره وكان اول الشهداء هو >>خالد<<
متابعه معاكي يا قمر ويستاهل التقييم،،"،،