كلى ملكك

[Mr. M ! r o]

ياريت بالحب أقدر..أوصف أوحتى أصور ,,
دامافيش كلام يعبر..أو أى حاجه تقدر ,,
عشان إحساسى أكتر ,,
والحب فيا أكبر ,,
من أى حروف كلام ,,

وبقول أكبر حرام ,,
مايكونش ف الغرام ,,
غير كلمه .. حبيبى ,,
عشان توصف لهيبى ,,
حسنك ظلمه الكلام ,,

أنا لميت الحروف ,,
وجيت علشان أشوف ,,
كلامك يقولك أنت إيه ,,
وكلها .. رتبتها ,,
مالقيتش وصف أحس بيه ,,
كل المعانى قليله ,,
جنب اللى فيا صغيره ,,
وجوه روحى لك شعور ,,
رضا وهنا وعطف وقبول ,,
مش ممكن أكدب لما أقول..حياتى فيك ,,
وتاريخ ميلادى بين إيديك ,,
يعنى أتولدت قصاد عينيك ,,

وبحب فيك قد السما ,,
قد السحاب..قد المطر..قد البشر ,,
وروحى عاشقه ومغرمه ,,
قد الرمال..قد الجبال..قد الشجر ,,
حب قد الكون بحاله ,,
بس حس أنت بجماله ,,
حتلاقيه ,,
أحلى م اللى بقول عليه ,,

تعبت أدور ف الكلام ,,
على وصف أجمل للغرام ,,
مالقيتش أغلى الا بوسه جوه كفك ,,
أحط فيها كل شوقى وكل وصفك ,,
عند الحبايب ليها معنى ..

كلى ملكك

[واد حبيب]

تسلم يدك يا كبير علي كلماتك الجميل

اسعدني جدااا توجدي بين كلماتك

تقبل مني كل احترام وتقدير

الحبيب

[ماتركس]

لالالالالالا

كبير من يومك يا محمد والله تسلم ايدك يا مبدع الكلمه والتنثيق يا كبير

ومنتحرمش منك يا محمد يارب

[be with me]

انت نبع من الابداع بوح عذب بعطر الحب ينثر الغرام فوق سطور الحب دمت بخير تحيتى نونــــــا

[دمعه حائره]

كلمات رائعه واكثر
توصف حب مايتقدر
فلك قلم مبدع مفكر
يعرف من ايت تأتى الكلمات وتؤثر
سلمت مبدع الحرف وستظل دائما بيننا بعقل مبدع مفكر
تحياتى واحترامى