الكدب ليه انواعه واسبابه وطرق علاجه

[الزينة]

.
يا ترى ليه الناس بتكذب ؟؟
.
.
و هل كل الناس بتكذب لنفس الهدف ؟؟؟
.
.
اكيد لا .. كل واحد بيكدب لسبب شكل .. الى بيكدب علشان يلفت نظر الناس ليه .. و الى بيكدب علشان خايف يقول الحقيقة .. و الى بيكدب علشان يوقع بين الناس .. و الى بيكدب علشان مصلحة شخصية ..
تعالوا نشوف مع بعض انواع الكدب و اسبابه
1- الكذب الخيالى :
=============
يعنى تلاقى حد بيحكيلك قصة خيالية محصلتش فى الواقع و تلاقيه ببالغ فيها جدا ... و ممكن يكون مش مدرك هو بيعمل كده ليه او ايه الهدف من القصة الى بيحكيها
هو مجرد بيكدب او بألف اى حاجة
بس اكيد بيبقى هدفه انه يلفت انتباه الناس ليه
حاسس انه مش قادر يلفت نظرهم بحاجة تانية واقعية موجودة فيه هو فبيلجأ انه يألف و يخترع قصص و مواقف محصلتش
و غالبا الى بيعمل كده بيبقى شخص خيالى جدا بطبعه .. بعيش فى احلام اليقظة كتير .. مش عايش فى الواقع اد ماهو عايش فى الخيال .. فلما بيتعامل مع الناس بيتعامل من منظور خيالى مش واقعى .. علشان كده بيخترع و يتخيل مواقف و قصص و يحكيها للناس
و بيتصور انه الناس فعلا بتتشد ليه لما يحكى المواقف دى و ان كل الناس بتصدقه .. مع ان فى احيان كتير جدا الناس مش بتصدق و بتاخده على اد عقله و بتقول عليه هجاص او فشار
النوع ده علاجه انه لازم يبقى عنده وعى انه عايش فى الخيال اكتر من الواقع .. لازم يبقى واقعى .. و لازم يفكر و يقتنع ان مش كل الناس عايشة فى الخيال زيه .. يعنى اكيد الناس دى حتحس انه شخص خيالى و ان الى بيحكيه ده مش واقع .. و ده حينزل من صورته قدام الناس و حيقلل من مصداقيته و احترام الناس ليه
و بالنسبة للى حواليه لازم يكونوا صرحاء معاه و ينبهوه انهم حاسين انه كداب او بيخترع مواقف .. مش لازم يدوله الاحساس انه صادق او ان كلامه فعلا واقعى .. لانه لو حس بكده حسيتمر و يحس انها لعبة ظريفة بتشد الناس ليه
2- كذب اجتماعى :
=============
ممكن تلاقى واحد مش قادر يواجهك بالحقيقة نتيجة انه مكسوف منك او خايف يخسرك ... فبتلاقيه بجاملك و يخدعك مع ان الواقع الى جواه عكس الكلام الى بيطلع منه ناحيتك .. و ده بيخدعك انت و يخليك تاخد فكرة غلط عن نظرة الشخص ده ليك
ممكن يكون الكدب الى من النوع ده بيخليه يكسب ناس اكتر .. لكن مش بيستمروا .. بيخسرهم بعد فترة .. لانهم مع مرور الوقت بيكتشفوا من كذا موقف انه منافق او مجامل زيادة عن اللزوم .. فبيفقدوا الثقة فيه لان اى انسان بيحب يحس ان الانسان الى قدامه صريح معاه حتى فى كلامه عن عيوبه الشخصية
علشان كده النوع ده لازم يحط نفسه مكان الشخص التانى
و يشوف هل هو يحب ان الى قدامه يخدعه و ينافقه و يجامله والا يقوله الصارحة باسلوب ظريف
لو فكر حيلاقى انه محتاج صراحة الناس الى حواليه اوى .. لانه الناس هى مرايته الى بيشوف بيها نفسه .. لو المراية دى بتخليه يشوف حد تانى غير نفسه يبقى حيعيش غلط و يفضل غلط طول عمره
و فى نفس الوقت لازم يفكر انه اكيد مهما طال الوقت حييجى موقف يكشف للناس انه مجامل او منافق
و دور الى حواليه انهم لو حسوا بمجاملته يواجهوه بده بصراحة و يشجعوه انه يقول الحقيقة و يحسسوه انه لو قالها اكيد حيحترموه اكتر على شجاعته و صراحته
3-كذب الدفاع عن النفس :
=================
واحد غلط او عمل اى حاجة حتى لو من غير قصده .. لكن بيكدب علشان خايف من النتيجة و العقاب او خايف من توبيخ الناس الى حواليه ليه
وده علاجه انه يقتنع ان كل الناس ممكن تغلط .. و انه لو قال بمنتهى الشجاعة انا غلط و عملت كذا كذا و معترف و لية اسبابى و مش حعمل كدا تانى الناس حتحترمه اكتر من لو انكر و اتعرف بعد كده انه هو كان السبب فعلا .. و الناس حتحتقره اكتر لو حد تانى هو الى لبس مسؤولية الغلط ده و كان مظلوم
4-كذب المصالح :
=============
و هنا الى بيكذب بيكذب علشان ياخد مصلحة معينة سواء يبيع حاجة و يكسب من وراها .. او يطلع لمنصب اعلى فى شغله ... او ياخد من شخص معين خدمة او مصلحة معينة هو محتاجها
و ده طبعا شخص انتهازى و استغلالى .. و بيبقى هدفه مصلحته الشخصية بغض النظر عن الاضرار الى حتحصل للناس من كدبه عليهم
و اول حاجة يعملها انه لازم يفكر ان فى ناس كتير زيه .. يعنى ممكن يقع فى حد فيهم و يحصل فيه زى ما عمل فى الناس .. يا ترى حيقبلها على نفسه ؟؟
و لازم يفكر انه لما بيضر حد بالكدب ده و يتكشف انه هو الى كان السبب الناس كلها لما بتعرف بتبعد عنه و تتجنبه
يعنى انا بعتبر الى بيكذب علشان مصلحته ده غبى و ببص تحت رجليه مش ببص لقدام
و واجب الناس انها لما تحس ان فى شخص استغلالى او بيعرف الناس علشان مصلحة انها متديلوش الفرصة يوصل للى عايزه بسهولة
لازم تقفل عليه كل الابواب و تحسسه ان الى بيعمله ده والا جايب اى نتيجة
5- كذب تعويض الاحساس بالنقص :
======================
ممكن تلاقى حد حاسس من جواه انه اقل منك فى حاجة معينة .. او حاسس انه فعلا عنده مشكلة فى حاجة معينة .. فبيحاول يظهر لكل الناس انه معندوش المشكلو دى و انه احسن منهم فيها
الاهم انك تعمل حاجة فعلا الناس تفتكرها طول عمرها
يبقى ليك دور مهم الناس الى فى الوسط بتاعك حاسين بيه و شيافينه و مقدرينه
مش انك تثبت للناس انك واحد تاني !!
6- كذب الانتقام
==============
واحد حصله موقف ضره من حد .. شال منه .. و حط فى دماغه ينتقم .. فبيكذب علشان يوقع بينه و بين اى حد .. او يعمل فيه مقلب او يورطه فى مشكلة
القوة فى الموقف ده هى التجاهل ..
لازم الى بيفكر ينتقم من حد يحط فى دماغه ان الحد ده مريض اصلا لانه خانه او طعنه فى ظهره .. و مسيره حيتأذى من كل الى حواليه .. مش لازم انا اتصرف زيه و اردله الموقف بنفس اسلوبه
========================================
ورغم اختلاف الأغراض التي تؤدي بالفرد إلى الكذب فهو يعتبر طريقة غير سليمة يتبعها الشخص ؛ ولذلك يقع صاحبه عاجلاً أو آجلاً في مشاكل أكثر و أكثر فالكذب لن يبقى كذباً لأن الحقيقة سوف يأتي لها يوم و تظهر

[جميلة مصر]

[The heart]

شكرا على الموضوع الرائع
سلمت يداك